Benchmark: iPhone 5 bëhet smartphone më potent në qarkullim, më i shpejtë se Samsung Galaxy S3!

Siç kemi shkruar edhe në artikullin e djeshëm, proçesori i iPhone 5, A6 është realizuar krejtësisht nga Apple për të shfrytëzuar më së miri performancat dhe konsumin e energjisë, por nuk përfundon këtu. Sipas benchmark të publikuar nga John Poole i PrimateLabs duke përdorur Geekbench është e mundur të shohim se si iPhone 5 ka arritur të ketë numrin më të madh të pikëve!

Ky benchmark konfirmon gjithashtu edhe karakteristikat teknike të proçesorit A6, të përbërë nga një Dual-Core 1.02GHz ARMv7 dhe 1Gb Ram. Por le të shohim ndonjë krahasim të bërë me modelet më të vjetër iOS dhe ato Android.

iPhone 5 në testin me programin Geekbench 2.0, program i përdorur për të marrë disa pikë në bazë të potencialit hardware, ka marrë 1601 pikë, një rezultat mjaft i lartë në krahasim me modelet e mëparshëm, mjafton të mednojmë që iPhone 4S arriti 629, më pak se një të tretën e iPhone 5. Më poshtë ju tregojmë edhe një grafik me të gjitha pikët e pajisjeve Apple, me përjashtim të iPhone 5

Por le të flasim edhe për konkurencën, një krahasim që nuk mund të mungonte. Duke analizuar disa pajisje më të mira Android dhe ato më të rejat, shohim se asnjë prej tyre nuk arrin të kalojë pikët e arritura nga iPhone 5 që mund të konsiderohet kështu si smartphone më potent në qarkullim.

Samsung Galaxy S3 që arrin numrin më të madh të pikëve 1560, nuk e kalon atë të iPhone 5. Ju kujtojmë që Galaxy S3 ka një proçesor Quad-Core Exynos 1,4Ghz që të paktën në teori duhet të arrinte shumë më shumë pikë se iPhone 5. Kjo na bën të kuptojmë se Apple ka krijuar një proçesor për të shfrytëzuar në maksimum potencialet e pajisjes së saj, dhe me sa duket ja ka arritur qëllimit.

Normalisht përpara se të japim një vendim përfundimtar, duhet të bëhen edhe disa teste për të parë nëse këto ndyshime do të ndihen realisht në nivelin e potencës dhe kohëzgjatjes së baterisë. Rezultate që sinqerisht do të bëjnë të diskutohet shumë, ju çfarë mendoni? A do të arrijë Samsung të fsheh potencialet e iPhone 5 me publicitetet e tij anti Apple? /Kamera OnAir

iPhone 5: Cila është situara e Nano Sim në Shqipëri?

Ashtu siç ndodhi me iPhone 4 në 2010, edhe iPhone 5 do të sjellë një standart të ri për kartat SIM. Kësaj rradhe kemi të bëjmë me Nano-SIM, karta akoma më të vogla dhe më të holla që lënë më shumë hapësirë brenda iPhone, duke bërë të mundur që ai të jetë akoma më i hollë se pajisjet e mëparshme. Por cila do të jetë situata në Shqipëri?

iPhone 5 do të jetë i pari smartphone që do të përdorë këto karta të vogla SIM, dhe kjo i vështirëson pak gjërat për vendin tonë. Disa burime tonat pranë Plus, na kanë bërë të ditura se kjo kompani ka porositur kartat Nano SIM, dhe pritet që ato të mbërrijnë edhe në Shqipëri brenda vitit 2012. E njëjta gjë konfirmohet edhe për kompanitë e tjera AMC, Eagle dhe Vodafone. 

Ndryshe nga rrjeti 4G, që është një shpenzim i madh për kompanitë shqiptare, kartat nano SIM kanë kosto shumë më të vogël dhe janë një detyrim i operatorëve të telefonisë ndaj klientëve të tyre. Mund të kemi edhe një formë gare mes operatorësh, se kush arrinë ti sigurojë ato i pari, duke qenë se mungesa e këtyre kartave mund të jetë edhe shkaku kryesor që një përdorues shqiptar me iPhone 5 të ndërrojë operator telefonik. 

Në internet gjatë këtyre ditëve, qarkullojnë edhe shumë video ku shfaqen guida se si të trasformojmë një kartë micro sim në nano sim. Rezultatet duken të mira, megjithatë duhet të presim daljen në treg të iPhone 5 për të pasur një ide të qartë rreth kësaj situate./Kamera OnAir

A nuk është fyerje të refuzosh Shqipërinë dhe të luash në të ardhme për Kosovën?

 

Kamera OnAir - Shumica e futbollistëve shqip-folës që luajnë për përfaqësuese të tjera janë ankuar sistematikisht që Shqipëria është një vend me shumë probleme (?!) dhe ka pasur gjithnjë një arsye nga Tirana Qëndrore që nuk kanë veshur këtë fanellë. A nuk do ish më e ndershme të silleshin të gjithë si Nini apo Gërcaliu. i pari ndihet grek (punë e tij) ndërsa i dyti e ka pranuar zyrtarisht se ka zgjedhur Austrinë sepse i përkon me interesat financiarë. Shaqiri, Xhaka dhe Behrami thanë shpesh nëpër intervista se në të ardhmen do të luanin për Kosovën. A u besoni? Dhe nëse ndodh kjo refuzimi ndaj Shqipërisë nuk është fyerje për ngjyrat kuqezi?! Zgjedhjet duhen respektuar. Nuk ka tre flamuj, dy fanelë e tre tatuazhe!
Disa vite më parë Mërgim Mavraj (sot këndon me shumë pasion Xhamadani Vija Vija) vendosi të luante me përfaqësuesen U-21 të Gjermanisë megjithëse kish në dorë dhe një pasaportë shqiptare. Mërgimi ish kërkuar me ngulm nga kuqezinjtë, por në mënyrë shumë diplomatike ai konfirmonte herë pas here dëshirën personale: “Më prisni, sepse nëse më merr Gjermania e madhe…”. i njëjti Mërgim pasi kuptoi se Gjermania e madhe nuk ish interesuar më për të i dërgoi sinjale përfaqësueses shqiptare dhe kjo e fundit e bindur se mund të kish nevojë për shërbimin e tij (realisht ka) i preu biletën e avionit dhe e ftoi në një ndeshje zyrtare në Tiranë. Mavraj 24 orë përpara ndeshjes tha sërish “jo” dhe turma e tifozëve nxitoi ta konsideronte “prostitutë” ndërkohë që gazetarët dhe komentatorët e kohës e cilësuan rëndë me epitete të të gjitha llojeve për “talljen e hapur” që ai bënte kundrejt flamur. Sot Mërgimi luan për Shqipërinë, historia e tij tanimë është harruar dhe duke qënë se flet shqip dhe vesh fanelën e Shqipërisë është Benjamin i tifozëve dhe i shtypit. Është mbrojtësi që na duhej. Është njëri nga ata që ka kërkuar falje dhe kjo falja është pranuar. Shqiptarët nuk ja përmendin më!
Pak a shumë një histori të ngjashme kanë dhe disa shqiptarë të tjerë. Çani është një nga ata. Ai në mënyrë konstante refuzoi të luante për Shqipërinë me shpresën se Italia do ta rekrutonte dhe vetëm kur ai personalisht e kuptoi se të kaltërit nuk do ti jepnin shanse të mëdha filloi ti thërriste ndërgjegjes kuqezi dhe atdheut.
Duke qënë se cdo zgjedhje është personale dhe cdo vendim është pothuaj individual duhet patjetër të rendisësh një morri faktesh dhe argumentesh përpara se të gjykosh mbi ata të cilët luajnë apo nuk luajnë për Shqipërinë, pavarësisht se janë apo jo shqiptarë.
Një diskutim në kah të ndryshëm vlen përshembull për Canën dhe portierin Ujkani. Ata preferuan të bëhen pjesë e Shqipërisë teksa ishin shumë të rinj dhe ndoshta, ku i dihet, nëse do të kishin pritur dhe pak, Zvicra në rastin e Lorikut (kish pasaportë helvete) dhe Belgjika në rastin e Ujkanit, mund të ishin interesuar për ta.
Ka një të vërtetë të hidhur e cila bazohet mbi statistikat dhe zgjedhjet personale të futbollistëve. Në shumë përfaqësuese të Europës, sidomos atyre të moshave numri i madh i shqip folësve është evident. Nuk vijnë vetëm nga Kosova apo Maqedonia, por ka dhe lojtarë të lindur në Shqipëri. Gjergji Kone dhe Sotir Nini luajnë për Greqinë, ndërkohë që Jurgen Gjasula nuk do të heqë dorë nga pasaporta gjermane. Ronald Gërcaliu luan me Austrinë megjithëse është rritur në rrugicat e Tiranës, ndërkohë që shumë syresh të tjerë preferojnë më mirë shtetet e tjera se vend lindjen.
Por, sepse ka gjithnjë një por, ka një sjellje e cila është e ndryshme në raste të ndryshme. Shaqiri sot luan për Zvicrën por kurrsesi nuk mund të ankohet te gjyqtari kryesor i ndeshjes së së martës se shqiptarët e paskëshim cjerrë në qafë. Behrami gjithashtu luan për Zvicrën por disa vite më parë betohej se donte vetëm shqiponjën.
Tre famuj nëpër këmbë, shqiponjë në krah, fanelë zviceriane dhe qarje pa fund se Shqipëria nuk ofron nuk shkon. Statistikat tregojnë se 90% shqiptarët shumë të talentuar zgjedhin këdo përfaqësuese europiane përvec Shgipërisë. Të njëjtat statistika thonë që ata që vijnë e luajnë për Shqipërinë me shumë gjasa janë refuzuar nga përfaqësuese më të rëndësishme.
Stastikat janë të ftohta dhe deklaratat emocionale dhe patetike për të shkuarën dhe të ardhmen nuk vlejnë. Shqiptarët që luajnë me Zvicrën janë shprehur tërë keqardhje për faktin që nuk luajtën kurrë për Shqipërinë, por ndërkohë thanë që në një të ardhme do të luajnë për Kosovën. Kosova dhe Shqipëria janë një, dhe qëndra e një historie që fatkeqësisht për ne është e ndarë në dy shtete është Shqipëria e sotme! Nëse nuk pranon të luash për Shqipërinë dhe më pas luan për Kosovën është fyerje për ngjyrat kuqezi. Kush nga ju beson se Xhaka, Shaqiri, Behrami e të tjerët do të heqin dorë nga Zvicra për të luajtur për Kosovën?! A duhet të besojmë me shumë cinizëm se ata thjesht po fitojnë kohë kundejt një fakti historik që të gjithë duan të jenë sa më i shpejtë?!
Luani për Zvicrën, Greqinë, Gjermanië, Austrinë apo qoftë dhe për Australinë, po ju lutem mos na thoni në mënyrë sistematike se Shqipëria është një vend me probleme, se këtu ka korrupsion, se këtu u kërkoa rryshfet apo se makinat kalojnë me semafor të kuq! Këto i dimë të gjithë!
Dilini për zot fanelës suaj njësoj si bëni në fushë dhe jashtë saj! Nuk mund “ta kesh” mirë me të gjithë…
Ndërkohë ne do vazhdojmë tu kërkojmë dhe kur na refuzoi disa herë rresht si Mavraj apo Cani. Sepse na duheni, dhe kur je nevojtar është e vështirë të bësh “të fortin”. Por, së paku, së paku, mos gënjeni.

45-vjeç, mosha “ideale” për të vdekur nëse ke pirë duhan

Mosha e mesme është përcaktuar të jetë koha më “ideale” që ju keni më shumë të ngjarë të vdisni nga kanceri për shkak të pirjes së duhanit

Kjo edhe pse përqindjet ndryshojnë disi në varësi të gjinisë, nëse je mashkull apo femër.

Për të paralajmëruar njerëzit e moshës së mesme nga një rrezik i tillë, ka qenë pikërisht një studim i SHBA-ve, saktësisht i Shkollës së Mjekësisë të Northuestern University, i cili ka identifikuar se duhanpirësit meshkuj kanë një rrezik 75% më të madh të vdesin nga kanceri se sa ata jo-duhanpirës.

Në mënyrë të ngjashme, studimi përcakton se duhanpirësit kanë një rrezik të shtuar me 64%, për të vdekur në moshën 45-vjeçare.

"Zakonet, mosha, seksi dhe pirja e duhanit, luajnë një rol të madh në shëndetin e njerëzve” - tha në një deklaratë,  Donald M. Lloyd Jones, autor i studimit.

Sipas të cilit, ky studim duhet të tingëllojë si një thirrje uake-up për ata duhanpirës të moshës mesatare, shumica e të cilëve kanë pirë për dekada të tëra duhan.

Sa madheshtore mund te jete nje nënë.

Vajza e saj po vdes nga semundja e kancerit,dhe ,kjo vajze habitej se pse te tjeret kane floke dhe ajo jo.Keshtu qe mamaja e saj preu floket per ta ngushelluar.Sa madheshtore mund te jete nje nënë.

Boks,Shqiptari e shkatrron serbin ( Video )

I dhane drogë pinguinit dhe filmuan reagimet e tij ( Video )

Disa vizitor të papërgjegjshëm, në kopshtin zoologjik të Moskës, konsideruan si argëtuese që… të luanin me një Pinguin, duke i dhënë atij ecstasy. Por vizitorët e papërgjegjshëm nuk i kufizuan vetëm aty veprimet e tyre, ata e incizuan në videon gjithë reagimin e pinguinit të droguar. Megjithatë, fjalën e fundit të papërgjegjshmërisë së tyre do e thotë gjyqtari, pasi të rinjtë u identifikuan dhe u arrestuan nga policia.